बाँक । कामका लागि भारतको विभिन्न सहरमा जाने नेपालीलाई सुरक्षित साथ गन्तब्यमा पु¥याउने उद्देश्यले अम्विकेश्वरी सेवा सुविधा यातायात प्रालि संचालनमा छ । नेपालगन्जमा कार्यालय स्थापना गरेर विगत लामो समयदेखि यात्रुलाई आरामदायी र भरपर्दो यातायात सुविधा दिँदै आएको अम्विकेश्वरीले भारतका विभिन्न ठाउँमा सेवा विस्तार गरेको छ । अम्विकेश्वरी यातायात सेवा सुविधा यातायात प्रालिले आरामदायी र भरपर्दो सेवाका लागि के के योजना बनाएको छ त ? प्रस्तुत छ प्रालिका उपाध्यक्ष प्रकाश खत्रीसँग गरिएको कुराकानीको केहि अंश –

अम्विकेश्वरी सेवा सुविधा यातायात प्रालि स्थापना गर्नुको उद्देश्य के हो ?

रोजगारीका लागि भारतका विभिन्न सहर तथा ठाउँमा जाने र फर्किने नेपालीलाई सस्तो भाडामा आरामदायी एवम् सुरक्षित रुपमा गन्तब्यसम्म पुर्याउने हाम्रो प्रमुख उद्देश्य हो ।

कामका लागि भारत जाने नेपालीहरुसँग यातायात ब्यवसायीले महंगो भाडा लिएको आरोप छ नी ?

रोजगारीका लागि भारत जाने नेपालीलाई लक्षित गरि यहाँ धेरै यातायात प्रालि खुलेका छन् । यी यातायात ब्यवसायी वीच भाडामा एकरुपता छैन । अन्य यातायात ब्यवसायीले कति भाडा लिन्छन् भन्ने हाम्रो विषय होइन । तर, अम्विकेश्वरी सेवा सुविधा यातायात प्रालिले भाडा दर निर्धारण गरेको छ । कुनै यात्रुलाई मर्का नपर्ने गरि सवैसँग समान भाडा लिँदै आएको छ । यात्रुलाई लुटिन, ठगिनबाट जोगाउन र सुरक्षित रुपमा गन्तब्यसम्म पुर्याउने यसको उद्देश्य रहेकोले हामीबाट कहिल्यै त्यस्तो गल्ती नहुने प्रतिवद्धता जनाउँदछौँ ।

सुरक्षित र भरपर्दो सेवा दिने भनेको के हो ?

हाम्रो प्रालिको गाडीमा यात्रा गर्ने यात्रु हाम्रा पाहुना हुन् । हाम्रा भगवान हुन् । अन्नदाता हुन् । उहाँहरु हाम्रो सवथोक हो । त्यसैले उहाँहरुको रक्षा गर्ने, सुरक्षित रुपमा गन्तब्यसम्म पुर्याउने जिम्मेवारी हाम्रो हुन आउँछ । बाटोमा आउने समस्यासँग लड्ने, समाधान गर्ने जिम्मेवारी हाम्रो हो ।

यात्राका क्रममा के के सुविधा दिनु भएको छ ?

यात्राका क्रममा यात्रुको सुरक्षाको सम्पूर्ण जिम्मेवारी हामीले लिन्छौँ । यात्रुको माग अनुसार खाना खुवाउने, दिसापिसाव लागेमा गाडी रोकेर दिसापिसाव गर्ने ब्यवस्था मिलाउने, कोरोना तथा अन्य संक्रामक रोगलाई मध्यनजर गरि स्वास्थ्य सुरक्षा अवलम्वन गर्छौँ । यात्रुलाई भगवानको रुपमा लिएर यात्रुको सन्तुष्टि नै हाम्रो यातायात प्रालिले आफ्नो धर्म सम्झेर यात्रुलाई सन्तुष्ट बनाउन हाम्रो हरकिसिमको प्रयास रहन्छ ।

अम्विकेश्वरी सेवा सुविधा यातायात प्रालिले भारतको कुन कुन ठाउँका लागि गाडी पठाउँछ ?

हाम्रो प्रधान कार्यालय नेपालगन्जमा छ । हाम्रो गाडी भारतको रुपइडिहाबाट लाग्छन् । त्यहाँबाट चण्डीगढ, लुधियाना, अमृत सहर, जालान्धर, हिमाञ्चल, सिम्ला, जम्मु, लेह लद्दाख, गुम्मा, सोलन, कुल्लु, रिकांगपियो, ठियोग, पञ्जाव, हरियाना, कोटखाई, रोहडु मट्याना, नारकाण्डा, रामपुर, मलानी लगायत सहरका लागि जान्छन् । यी ठाउँमा जाने हाम्रा गाडीले अन्य यातायातको भन्दा सस्तो दरमा गन्तब्यसम्म पुर्याउँदै आएका छन् ।

नसालु पदार्थ खुवाएर नेपालीहरु लुटिन्छन् यसलाई रोक्न के गर्नु भएको छ ?

हामीले हाम्रा गाडीमा यात्रा गरिरहेका हरेक यात्रुको ख्याल गर्छौँ । यात्रा गरिरहेका यात्रुलाई सुरक्षित रुपमा गन्तब्यसम्म पुर्याउन हरसम्भव प्रयास गर्छौँ । नचिनेका ब्यक्तिले दिएको नखान सचेत गराइरहन्छौँ । ब्यवस्थित, विश्वासिलो र सफासुघर होटलमा मात्र खाना खुवाउँछौँ । अनधिकृत ब्यक्तिलाई गाडी भित्र छिर्न दिँदैनौँ ।

हामीले नेपाली बाहेक अन्य ब्यक्तिलाई आफ्नो गाडीमा बसाल्दैनौँ । नेपालीले संचालन गरेको होटलमा मात्र खाना खुवाउँछौँ । नसालु पदार्थ खुवाएर बेहोस बनाएर लुट्ने ब्यक्तिसँग यात्रुलाई जोगाउँछौँ । त्यसैले त हामीले हाम्रो यातायात प्रालिले सुरक्षित, विश्वासिलो र भरपर्दो सेवा दिन्छौँ भनेका हौँ ।

सामाजिक सेवा अन्तरगत के के गर्नु हुन्छ ?

हामी पहिलो नेपाली हौँ । त्यसपछि हामी यातायात ब्यवसायी हौँ । नेपाली भएकोले नेपालीको सेवा गर्ने, अप्ठ्यारोमा परेकाको उद्धार गर्ने, भाडा नभएर अलपत्र परेका नेपालीलाई गन्तब्यसम्म पुर्याउने दायित्व हाम्रो हुन आउँछ । हामीले भाडा नभएकालाई ल्याउने, लैजाने, खाना खुवाउने, यात्राका क्रममा विरामी भए उपचार गराउने काम गर्छौँ । हामीले यात्रुको वीमाको ब्यवस्था पनि गरेका छौँ । दुर्घटनामा मृत्यू भएका परिवारलाई राहत रकम प्रदान गर्ने र घरसम्म शव ल्याउन सहयोग हामीले गर्छौँ ।

अन्तिममा आफ्ना यात्रुलाई के भन्नु हुन्छ ?

यहाँ धेरै यातायात सेवाका धेरै प्रालि खुलेका छन् । यी यातायात प्रालिको उद्देश्य सुरक्षित र भरपर्दो सेवा दिनेभन्दा पैँसा कमाउने रहेको छ । हाम्रो अम्विकेश्वरी यातायातमा लामो समयदेखि यातायातको क्षेत्रमा काम गरेका अनुभवी ब्यक्तिहरु कार्यरत हुनुहुन्छ । हाम्रो उद्देश्य पैँसा कमाउने मात्र नभई नेपालीलाई सुरक्षित यात्रासँगै लुटिने, ठगिनेबाट जोगाउने रहेको छ । त्यसैले रोजगारीका लागि भारत जाँदा जस्तो पायो त्यस्तो गाडीमा नचढ्न म आग्रह गर्दछु । भाडाका बारेमा राम्रोसँग बुझेर मात्र टिकट लिन म सुझाव दिन चाहन्छु । र, अम्विकेश्वरी यातायातलाई माया गरिदिएकोमा सवै यात्रुलाई धन्यवाद दिन चाहन्छु । अन्य दिनमा पनि तपाईहरुको माया रहिरहने विश्वास लिएको छु । साभार : गोचाली साप्ताहिकबाट